吸取左上次被Willis 刪Status 的教訓，我返到屋企涼都唔沖就嗱嗱臨上黎寫entry分享笑料，睇下我對你地幾好？

又一次證明其實社運人士講野寫野無用腦好好仔細想，做些資料搜集，三思而後說。

為存厚道，除左Willis 之外我唔開名，你地想知就自己add Willis facebook睇啦。

話說Willis share左英國名星Jude Law上街的新聞，寫話「如果，香港也走了些影星出來抗爭，傳媒會報導多一點嗎，香港人又會去了解，多一點點嗎。」

跟著當然就有班人出黎附和啦，話「唔好妄想啦!香港有知名度的明星,個個都想進軍內地,點會睬我們呀?!」、「 yes, i guess, but the star will disappear afterward.」

睇到呢兩句，我諗一諗，唔係喎，上次杜汶澤就上電視up 左句野既，即刻google下，就搵到。

然後我留言：杜汶澤 談新浪微博：「我只是個南方小藝人，微博出了後一分鐘就被刪，令我覺得，中國真的已是 “世界強國”！」仲補埋圖：http://sphotos.ak.fbcdn.net/hphotos-ak-snc3/hs469.snc3/25747_1432589378481_1345313992_31210941_3985810_n.jpg

咁有條友就唔抵得我駁佢地啦，撲出黎反駁，話：「香港偽人隨左識係電視機裡面抽水，仲識乜？」

其實佢已經退左一步，由「唔出來抗爭」，變左「係電視機裡面抽水」。仲有，杜汶澤唔係喺電視機「裡面」，佢係要「行出黎」(社運人最鐘意用呢三個字)，去到鏡頭面前，先可以「抽水」。如果杜汶澤係抽水，咁所有社運人士對鏡頭的發言也是抽水。不過這個不是重點，帶過就算。btw, 讀者諸君，正字應該係「除左」。

講返之前，睇到呢兩句，我諗一諗，唔係喎，三月六日黃貫中咪同陳奐仁上街咯，今次我連google 都廢事，自己寫。

然後我留言：「Paul 同MC仁(好似係)三月六日有蒲頭，Paul 話加煙稅=迫佢買私煙，MC仁問TVB幾時先收檔XD」

仲特登加個「XD」等我段野睇落無咁串咁。

之後佢地就再無出過聲lu。

對唔著呀，又唔小心收左佢地皮添。

無辦法，我最叻記埋呢Ｄ林林嬸嬸既野。

尤其是見到有人扭曲事實，顛倒是非，信口開河，加強呢個社會既橫蠻、不公義、不合理，我真係忍唔到。

Sorry 呀。

呢個故事教訓大家，對著自己唔認識既野，就出少句聲，講少Ｄ野，被人捉到錯就唔好啦，如果你話做人要勇於發言，都無問題，但講野之前諗清諗楚，做多Ｄ資料搜集，減低出錯既機會，此其一。其二就是自己唔肯定既野，就唔好講到好肯定咁，仲好串咁講出黎，就算真係唔好彩被人收皮，都無咁肉酸呀嘛。