Monthly Archives: March 2011

無所謂嫁就算repeat 一年，唔好放到好大咁話「死啦讀多一年，得就話啫，唔得既又晒多一年，點算」。一年時間之嘛，算得Ｄ咩啫，小妹你廿歲都未到。嫁人都未急啦，你講緊人生喎。就算你repeat 兩年，轉讀DSE，又如何？都不過兩三年的時間。在你的人生，佔不了一席位。佔不了嗎？不是，在你一兩年的時候，你也不是毫無得著的，我們都哪一個地到，做哪一些事，都會學習到，都會懂得。沒有說哪條路是好，哪條路是壞，走過了才知道。別人說條條大路通羅馬，但問題是，你是不是真的想去羅馬？你是不甘心又好，為啖氣又好，想比多次機會自己又好，唔想讀護士學校又好。 想repeat 既，咪去咯，想做野既，咪做咯，做一年唔開心，返返去讀書，又得。出黎做一年野，take 個gap year，repeat 一年再入大學，甚至不入都好，心境都會不同，那已經不是原來的你了。你比起直升大學的人，多了一樣無法量化的東西，那是一份心境。當然，如果你都係要「死啦死啦升唔到大學，死啦死啦又要讀多年，升唔到又再晒多年時間，點算呀」。 咁都無所謂既，繼續去咯。你又做唔到弱智兒童快樂無窮，又做唔到努力不懈上進發奮，又面對唔到壓力，迫自己埋死角，咁無得拆嫁喎。一年半前開始你斷斷續續話搵我補習之類，間中問起總是諸多借口推諉，咁咪算咯，我又唔係搏Ｄ乜野，又無諗著你錢，又唔係要你以身相許。 反正炒AL喊苦喊忽頭痛肚痛既又唔係我。 呢個世界就係咁，你好彩唔好彩，你可以得到某Ｄ人既幫助，但講到底都係，呢個世界可以救你既，係得你自己嫁咋。入去呆左做唔到卷，但又要repeat，一見血就暈既人，做咩野護士啫？come on baby，試下剋服咯。bio 有幾難啫，你將本書由頭背到尾，當中西史咁讀，到時嘔返晒出黎。你連最基本既都做唔到，定係唔肯做，無辦法嫁喎。剩係個心覺得唔甘心，把口話唔想放棄，有用咩？學咩人講唔甘心，唔想放棄，唔信命，弱智兒童？落到試場咩都唔想做唔想諗野，唔戰鬥都想贏？這已經超越了不切實際了吧。醒下啦。希望你仔細睇下我寫乜，不過我話說得這麼重，通常你都唔會睇嫁啦，喊咯唔開心咯懦弱咯固執咯任性咯，你鐘意啦，繼續咯。

好多人都寫過香港已死，香港死緊，香港就死。 呢方面我無一個明確既答案。 就當是真的吧。 我既答案係成個世界都腐敗緊，美國太自由巿場，金融資本家太大權，太多仆街，歐洲人責任心太低，太懶，福利太多，其他地方未發展好。北歐福利好好，但日照時間太短，自殺率很高。 香港已經好不錯啦，也沒有辦法哩。 死就死吧，就與香港共存亡。 也不想移民去外地扮龜。 哪一個地方，哪一個國家，沒經歷過興哀呢？ 這是自然程序。 曾經燦爛過，已是不枉了。

1男人就係唔在乎唔愛唔緊張你先至可以口若懸河信口開河口花花手摸摸吊兒郎當慵懶散漫瀟灑倜儻同你調笑調情耍浪漫韋小寶上身，真係在乎你愛你緊你就會忐忐忑忑古古怪怪斯斯縮縮尷尷尬尬口疾疾眼花花手騰騰腳震震粒聲唔出毒男上身講句多謝唔該都要諗到夕陽西下仲唔知講唔講好。 2「聽日愚人節我同女朋友玩分手好無？」「點解唔試下求婚呢？」 3《單身男女》後感。１古天樂咁靚仔，投資銀行家咁有錢，把妹達人咁既招數追女仔，圓圓竟然因為佢架車有三套安全套而拒絕求婚，真係抵Ｄ港女嫁唔出。 ２年薪幾百萬，返中環，幾十層樓高摩天大廈，落地玻璃，竟然係度玩游乾水、跳低能舞、痴貼紙，做金融真係好大壓力。 4聽讀Design既朋友話，LV 某Ｄ產品唔止係Made in China，仲係Made for China添！唔係點會咁核突。

http://bbs.opbbs.net/forum.php?mod=viewthread&tid=19341&extra=&page=1 http://bbs.opbbs.net/forum.php?mod=viewthread&tid=27927&extra=page%3D1 克比的反抗不是因為 LF 的勸說、鼓動，而是示範，克比因此而得自由。  LF 破壞了娜美的製圖室，娜美因此“自由”。LF 與惡龍的對抗，娜美因此學會“反抗”。 LF 給了一個國家的自由。 大監獄，囚徒的自由。 仔細回想一下 LF 參與的每件事情，都是以反抗作為開頭，解放作為結尾的。 （七水之都、空島、恐怖之舟等等） LF 是為夥伴，激勵的其實是普通人。如果是為了統治世界，普通人是沒有那麼清閒和那種勇氣的。 如果 OP 世界中的每個人都渴望去統治世界實在是玩笑開大了，不現實，甚至有喜劇色彩。 可是 LF 為的就是普通人周圍最最普通的東西，每天都會接觸每天都會經歷的東西，就是我們身邊那些念念碎的東西：友情，親情，以及一些人應該具備的基本道德要求。 LF 不是為了權力、野心、名聲、財富、掠奪、統治去做的這些事情，沒有一次是為了這些。 都是為了那麼原本就屬於自己卻被人奪走的最平常的東西。 這種示範作用，猶如蝴蝶振翅引起颶風一般，將使每個聽到之人都有了抗爭之心，不必再卑微屈膝，匍匐於強權之下。 因為如果連 LF 都可以為了最平常之物而攻破司法島，對世界政府宣戰，並且成功了。 那麼，作為普通人的你，為了同樣的東西，至少可以稍稍去爭辯稍稍去抗爭一下吧？ 不用去統治世界，但至少讓我們成為統治「自己」這塊領土獨一無二的君主吧。 “即使被欺壓也不屈服、即使遭遇災厄也不氣餒、遇到不公正時能毫不畏懼地糾正、不向禽獸屈服獻媚。 天賦於你的，沒有人有權力奪走，也沒理由讓人奪走。  LF 的王者之路就是讓每一個人都成為自己的王。 凡是 LF 走過的地方，留下的都是反抗與希望。 許多人原本已經喪失的勇氣、魄力、夢想被重新喚起，遺憾被釋然（沒有 LF ，山治會不會離開海上餐廳去尋找 ALL BLUE ，喬巴會不會離開磁鼓國尋找萬能之藥，諾蘭德的子孫的遺憾能不能釋懷，真的不得而知）。LF 使他們願意並試圖去嘗試掌控自身命運，以致最終成為能夠完全掌控自身命運的自由之人。  LF因為讓每個人都有了抗爭之心，讓每個人都成了掌控【自己】這片領土的王，而被世人傳頌為“王”

吸取左上次被Willis 刪Status 的教訓，我返到屋企涼都唔沖就嗱嗱臨上黎寫entry分享笑料，睇下我對你地幾好？ 又一次證明其實社運人士講野寫野無用腦好好仔細想，做些資料搜集，三思而後說。 為存厚道，除左Willis 之外我唔開名，你地想知就自己add Willis facebook睇啦。 話說Willis share左英國名星Jude Law上街的新聞，寫話「如果，香港也走了些影星出來抗爭，傳媒會報導多一點嗎，香港人又會去了解，多一點點嗎。」 跟著當然就有班人出黎附和啦，話「唔好妄想啦!香港有知名度的明星,個個都想進軍內地,點會睬我們呀?!」、「 yes, i guess, but the star will disappear afterward.」 睇到呢兩句，我諗一諗，唔係喎，上次杜汶澤就上電視up 左句野既，即刻google下，就搵到。 然後我留言：杜汶澤 談新浪微博：「我只是個南方小藝人，微博出了後一分鐘就被刪，令我覺得，中國真的已是 “世界強國”！」仲補埋圖：http://sphotos.ak.fbcdn.net/hphotos-ak-snc3/hs469.snc3/25747_1432589378481_1345313992_31210941_3985810_n.jpg 咁有條友就唔抵得我駁佢地啦，撲出黎反駁，話：「香港偽人隨左識係電視機裡面抽水，仲識乜？」 其實佢已經退左一步，由「唔出來抗爭」，變左「係電視機裡面抽水」。仲有，杜汶澤唔係喺電視機「裡面」，佢係要「行出黎」(社運人最鐘意用呢三個字)，去到鏡頭面前，先可以「抽水」。如果杜汶澤係抽水，咁所有社運人士對鏡頭的發言也是抽水。不過這個不是重點，帶過就算。btw, 讀者諸君，正字應該係「除左」。 講返之前，睇到呢兩句，我諗一諗，唔係喎，三月六日黃貫中咪同陳奐仁上街咯，今次我連google 都廢事，自己寫。 然後我留言：「Paul 同MC仁(好似係)三月六日有蒲頭，Paul 話加煙稅=迫佢買私煙，MC仁問TVB幾時先收檔XD」 仲特登加個「XD」等我段野睇落無咁串咁。 之後佢地就再無出過聲lu。 對唔著呀，又唔小心收左佢地皮添。 無辦法，我最叻記埋呢Ｄ林林嬸嬸既野。 尤其是見到有人扭曲事實，顛倒是非，信口開河，加強呢個社會既橫蠻、不公義、不合理，我真係忍唔到。 Sorry 呀。 … Continue reading →

甚麼叫神曲？殘酷天使的辯證命題就是！ 原版 http://www.youtube.com/watch?v=X1CHunym8NQ&feature=related   One piece http://www.youtube.com/watch?v=5bKqFvoeEBE&feature=related   名偵探柯南 http://www.youtube.com/watch?v=MfMin7-O80A&feature=related   銀魂(elizabeth 是初號機XD） http://www.youtube.com/watch?v=Y0N282_eaX0&feature=related   反叛的魯路修 http://www.youtube.com/watch?v=V1eUe6EtXgI&feature=related   頭文字Ｄ http://www.youtube.com/watch?v=hddAXfvRoX0   NARUTO http://www.youtube.com/watch?v=9qre-1X7Eqs   這套我也不知道是甚麼 http://www.youtube.com/watch?v=G7lFC_P3s6c   高達 http://www.youtube.com/watch?v=purehs1Gifg   這套我也不知道是甚麼x2 http://www.youtube.com/watch?v=KAnvDZud0UM   科學超電磁炮 http://www.youtube.com/watch?v=OEn0x-YTGf8   Keroro 軍曹 http://www.youtube.com/watch?v=UzyPTwDSxIE   … Continue reading →

一次又一次的期望，換來的僅是一次又一次的失望，傷痕累累，痛的，不痛的，反映著一次又一次的失敗，以及寧願不要的經驗。放棄並不一定是懦弱，放棄也需要勇氣，這叫做止蝕，是痛苦卻明智的決定。 －－－－－－－－－－－－ 這世上當然有忙人，但說到底，都只是說你肯不肯為那人抽時間，去年和朋友聚會，有人開完會在放題最後半小時趕過來聊一會，再逛一陣子街，昨天見大學舊同學，她上午下午都有課，還是抽空吃了午飯，下午一起上了一課。很多時候，只是看你有沒有心，不想見就照直說吧，何須諸多借口？ －－－－－－－－－－－－ 每晚深夜睡不著的時候，思緒總是特別旺盛，想起很多往事和情愫，又總是特別的寂寞和悠然。深夜的情懷，不是人人能體會，白天的喧鬧暫時沉息了，黑夜是寧靜而漫長，只有遠處傳來隱隱約約船隻和車輛的聲音，還有窗外空氣流通的少許雜音。拋開白天的紛亂和喧囂，享受此刻的寧靜和沉寂。再過個多小時，天空就破曉了，隨著太陽的升起，人們又開始白天的工作和忙碌，做很多事情，卻都沒靈魂的，不足陳的。 中二始我就愛上了凌晨的感覺，高考後更是每晚待到四五時才睡，真的很寧靜，很舒服，可是也很寂寞，很孤獨。曾幾何時有個心願，就是遇到同樣愛待在深夜的人，有一搭沒一搭的聊著，直至破曉，直至這城巿甦醒，我們聊得累了，才輾轉沉沉緩緩睡去。可惜好像只有我愛待在這時區，不過反正跟我聊得來的人不多，我也唯有享受一個人的樂趣了。 －－－－－－－－－－－－ 人大了，懂得多了，明白太多事情不在掌控間，努力不一定成功，搏盡不一定無悔。努力可以弄巧成拙，搏盡可以使身邊人很大壓力。我們都知道不可必卻可期，順其自然就好，可是我們都做不到。一在乎，就無法灑脫，不在乎，就無力活下去。努力沒有用，搏盡沒有用，順其自然做不到，灑脫不了，放不下。相愛很難單戀也難愛不愛都難。 －－－－－－－－－－－－ 有咩野你好想要？死亡。 有咩日子你好期待？世界末日。 －－－－－－－－－－－－ 你悶唔悶呀？人生係苦悶嫁喎。 你煩唔煩呀？生活係煩惱嫁喎。 你攰唔攰呀？活著係好攰嫁喎。

Apple D野佢自己有分寸嫁。 Microsim, 30 dock adaptor, 自閉藍芽, itunes, 無flash, 無usb, 一年出得一部機, 舊野扮新野。 諸如此類。 隨便你鬧，霸道？當然，但霸道是有限度的。 佢知道以上個Ｄ野，用家都忍受到，接受到。 有ｄ野佢知道用家接受唔到，就會屈服。 如Mac OSX可以裝Office，唔會迫人用iWork，Windows 可以裝iTunes，Mac機可以bootcamp開Windows。 dock adaptor迫你買線，買週邊，itunes係成套服務。 Apple 野是一個泥沼。 但又真係好用既。 不好意思，我是教徒。

真係好憎人唔聽電話又唔覆機。